Композитор С. Рахманиновтің 150 жылдығына арналған концерт өтті

2023 жылдың 31 наурызында Құрманғазы атындағы Қазақ ұлттық консерваториясының Е.Рахмадиев атындағы үлкен концерт залында консерватория ұстаздары және Жамбыл атындағы Қазақ мемлекеттік филармониясы солистерінің қатысуымен композитор С. Рахманиновтің 150 жылдығына арналған концерт өтті.

Орындаушылар:

Гүлнара Құрамбаева – фортепиано

Еркебұлан Сапарбаев – скрипка

Федор Артамонов – виолончель

Әділет Сексенов – фортепиано

Концертте С.Рахманиновтің екі фортепианоға лайықталған «Вокализі», Ф.Крейслер - С.Рахманинов «Муки любви», виолончель мен фортепианоға арналған «Элегия», скрипка мен фортепианоға арналған «Романс», скрипка, виолончель және фортепианоға арналған №2 «Элегическое трио» ре минор шығармалары орындалды.

Зал көрерменге лық толды. Концертке жиналған көпшілік солистердің орындаушылық шеберліктеріне тәнті болып, зор ықыласпен қол соғып қошемет көрсетті.