Консерваторияға атақты дирижер Даниэле Тирилли мен ТҮРКСОЙ ұйымының бас хатшысы Дүйсен Құрабайұлы ат басын бұрды

Бүгін Құрманғазы атындағы Қазақ ұлттық консерваториясында ТҮРКСОЙ ұйымының бас хатшысы Дүйсен Құрабайұлының ұйымдастыруымен Италия елінен ат терлетіп келген «Opera Morlacchi» қауымдастығының Президенті, атақты дирижер Даниэле Тирилли өнер-білім ордасының студенттеріне шеберлік сабағын жүргізді.

Даниэле Тирилли – «Opera Morlacchi» қауымдастығының аясында Opera Morlacchi Академиясын, әлемнің түкпір-түкпірінен таланттарды қабылдайтын Халықаралық опера өнері академиясын құрған танымал тұлға.

АҚШ-та бірнеше мәрте шеберлік сабақтарын өткізген дирижер биыл ат басын Қазақстанға бұрды. Бүгінгі шеберлік сабағында ол өзінің көп жылдық тәжірибесімен бөлісіп, өнерін ортаға салды. Іс-шара аясында консерватория студенттері жақсы әсер алып қайтты.