Консерватория «EURASIAN UNIVERSITY RANKING – 2022» халықаралық рейтингісі бойынша айтулы марапатқа ие болды

Бүгін Алматыда «Әлемдік білім беру кеңістігіндегі трансұлттық өзара əрекеттестік» атты VI Орталық азия халықаралық форумы өз жұмысын бастады. Германия, Латвия, Түркия, Әзірбайжан, Молдова, Қырғызстан, Тәжікстан сияқты елдерден келген қонақтар және біршама беделді халықаралық ұйым өкілдерінің қатысуымен Әл-Фараби атындағы Қазақ ұлттық университетінде өтіп жатқан Форум екі күнге созылмақ.

Аталмыш шара аясында Халықаралық Аккредиттеу және рейтингтің тәуелсіз агенттігі тарапынан «EURASIAN UNIVERSITY RANKING – 2022» халықаралық рейтингісіне қатысушыларды марапаттау рәсімінде «Мәдениет және өнер» номинациясы бойынша жеңімпаз атанып, арнайы сетификат және кубокқа ие болған Құрманғазы атындағы Қазақ ұлттық консерваториясы атынан марапатты Оқу және оқу-әдістемелік жұмыстар жөніндегі проректор Әбдірахман Гүлнар Бақытқызы қабылдап алды.