Консерватория оқытушылары «ЖасStar» фестивалінде
2023 жылғы 20-23 маусым аралығында Консерватория оқытушылары мен түлектері биыл ашық аспан астында спектакльдік практика форматында өткен Нұрсұлтан Назарбаев Қорының «ЖасStar» халықаралық шығармашылық жастар фестиваліне қатысты. Жыл сайынғы жобаға 200-ден астам өнер қайраткерлері мен «жаңа сахна» өкілдері келді, олардың мақсаты мәдениет пен өнер саласында өз жолын енді бастаған жастар мен белгілі мамандар арасында тәжірибе мен білім алмасуға жағдай жасау.
Арт-менеджмент кафедрасының профессоры, п. ғ. к. Евфрат Бағдатұлы Мамбеков «Глокализация. Мәдениеттану. Суретші (қалайша баршаға ұнай отырып өз даралығыңды сақтайсың)».
Фестивальде шығармашылық жобаларды дамытуға арналған гранттар байқауының питчингі де өтті. Арт-менеджмент кафедрасының доценті, ө. к., сапа менеджменті секторының басшысы Дамир Дүйсенұлы Уразымбетов және музыкалық білім және психология кафедрасының меңгерушісі, аға оқытушы, өнер магистрі Камила Абдуалиқызы Есдәулетова гранттар конкурсының сарапшылары ретінде мәдениет жөніндегі Кеңестің жұмысына қатысты.
Классикалық музыканың тыңдармандары үшін Қор Лауреаттары (жүргізуші Гаухар Тасбергенова): Талғат Мұсабаев, Медет Чотабаев, Галина Чеплакова, Ермек Құрманаев, Жібек Сапарғалиева, Наталья Мезина, Дамир Сәдуақасов, сондай-ақ дирижер Мұхтар Қалдаяқовтың басқаруымен Алматы қаласының симфониялық оркестрінің концерті ұйымдастырылды. Концерт аясында Ғалымжан Секеевтің «Есентай вальсі» композициясының тұсаукесері өтті.
