Консерватория ректоры италиялық қонақтармен келіссөз жүргізді

Бүгін Құрманғазы атындағы Қазақ ұлттық консерваториясының ректоры Арман Әділханұлы мен Италия елінің Перуджа қаласынан келген Морлакки Опера Академиясының президенті Даниэле Тирилли ынтымақтастық орнатуға бағытталған екіжақты келіссөздер жүргізді.

Тараптар мәдени түсіністікті, алқалылықты және академиялық достастықты дамыту, студенттердің, мұғалімдердің білімдерін жетілдіру, сондай-ақ екі елдің игілігі үшін бірлескен шығармашылық қызметті дамытуға байланысты ұсыныстарды қарастырмақ.

Жиынға Итало-қазақстандық сауда палатасының өкілі Джулио Аматуччи, ректор аппараты қызметінің басшысы Ермек Жанатайұлы, ректор кеңесшісі Рахат Ғазизұлы, Концерттік-шығармашылық жұмыстарды ұйымдастыру қызметінің басшысы Айнұр Исатайқызы, Халықаралық бөлім жетекшісі Жанна Рахманқызы қатысты.

Алдағы уақытта екі тарап бір шешімге келіп, тығыз ынтымақтастық қатынас орнатады деген сенімдеміз.