Консерватория ректоры студенттермен кездесті
2023 жылдың 19 сәуірінде кураторлық сағат аясында Құрманғазы атындағы Қазақ ұлттық консерваториясының ректоры Жүдебаев Арман Әділханұлының студенттермен кездесуі өтті.
Бұл кураторлық сағатта ректор білім алушылардың студенттермен жұмыс жасау бөлімінің қызметкерлері арқылы өзіне жеткен өтініштері мен ұсыныстарына жауап берді. Сондай-ақ, консерваторияның қоғамдық, әлеуметтік және шығармашылық өміріне белсене атсалысып, білім ордасында терең білімі мен біліктілігін танытып, оқу ісіне және консерваторияның студенттік ұйымдастырушылық жұмыстарына зор үлес қосып жүрген білім алушылармен консерваториямыздың мерейін үстем етіп, лауреат атанған студенттерімізге ұжым атынан ризашылығын білдірді.
Сондай-ақ, студенттердің тұрмыс жағдайын білу үшін жатақханаларды аралап, ондағы студенттермен кездескендігін, консерваторияда жүргізіліп жатқан жұмыстардың нәтижесі студенттер арқылы бағаланатындығын сөз етті. Сондықтан алдағы уақытта да осындай кездесулерді жиі ұйымдастырып, білім алушылардың мәселелерін үнемі назарында ұстап отыратынын жеткізді.
