Консерватория студенттері қайырымдылық концертін берді

2023 жылдың 1 наурызында Алғыс айту күніне орай консерваторияның белсенді студенттері «Шаңырақ» қарттар үйінде «Қарттарым – асыл қазынам!» атты қайырымдылық концертін ұйымдастырып, өз өнерлерін көрсетіп қайтты.

Шараның мақсаты қарттарымызға алғыс айтып, көңілдерін көтеріп, әсем әуендер арқылы мерекелік көңіл-күйге бөлеу.

Қайырымдылық концерт ұйымдастырушысы: «Арт менеджмент» мамандығының 2-курс студенті Тоқпанова Анель.

Концерт барысында студенттер ата-апаларымызға жылы лебіздерін білдіріп, ортаға шығарып билетіп, қуанышты сәттер сыйлады. Өнерлерін ұсына келген жастарға қариялар жағы алғыстарын жаудырып, баталарын берді.

Қарттарымызға ұзақ ғұмыр, зор денсаулық, қажымас қайрат тілейміз!