Консерватория студенттері Қазақ-Британ Техникалық Университетінде өнер көрсетті

2023 жылдың 13 қазанында Қазақ-Британ Техникалық Университеті ғимаратының Тәуелсіздік залында аталмыш оқу орны мен Құрманғазы атындағы Қазақ ұлттық консерваториясының серіктестігі аясында Құрманғазы шығармашылығына арналған Дәстүрлі қазақ музыкасының концерті өтті.

Қос бірдей жоғары оқу орнының ұзақ жылдар бойы жалғасып келе жатқан достығы мен серіктестігіне дәлел болған осынау айтулы концертте студенттер өз өнерлерін ортаға салып, көрермендер мен қатар ҚБТУ-не «Достық Сапары» аясында шетелден арнайы іссапармен келген CNPC компаниясы мен Қытай Мұнай университеті өкілдерінің назарларына қазақ халқының дәстүрлі музыкасын ұсынып, тамаша көңіл-күй сыйлады.

Бұл күні әуезді әсем әуен шырқалып, домбырадан күмбірлеген күй төгіліп, айтулы іс-шара нағыз өнер мерекесіне айналды.