Консерватория студенттері экосенбілікке қатысты

Жақында Құрманғазы атындағы Қазақ ұлттық консерваториясының «Аспаптық орындаушылық» факультетінде білім алып жатқан студенттер факультет деканы Айжан Бекеновамен бірге Сайран көлінің жағалауында ұйымдастырылған экологиялық сенбілікке қатысты.
Аталмыш шараға белсенді атсалысқан өнер-білім ордасының студенттері қаланы экологиялық таза аймаққа айналдырып, жастарды еңбексүйгіштікке тәрбиелеу, қаланың тазалығы мен көркеюіне өз үлестерін қосу жұмыстарына баулуға үндеу тастады.

Сенбілік барысында еріктілермен бірлесіп 105,5 кг қоқыс жиналды. Жиналған қоқыс іріктеліп, сұрыпталып, 40 кг-ы арнайы компанияларға қайта өңдеуге жөнелтілді.

Қоршаған ортаға бейжай қарамайтын білім алушыларымызға сәттілік тілейміз!