Консерватория студенттері Халықаралық олимпиадада жеңімпаз атанды

2023 жылдың 20-21 сәуірінде ҚазҰӨУ-нің (Астана) 25 жылдығына орай өнер және мәдениет бағытындағы жоғары оқу орындарының студенттері арасында музыкалық-теориялық пәндер бойынша халықаралық олимпиада өтті. 

Олимпиадаға Қазақстан Республикасының жетекші өнер университеттерінің және Өзбекстан мемлекеттік консерваториясының бакалавриат студенттері қатысты. Олимпиаданың қазылар алқасын еліміздің әрі Өзбекстанның ірі музыкатанушылары құрады. Қазылар алқасының төрайымы – Өзбекстан Республикасы Ғылым Академиясы Өнертану институтының аға қызметкері, PhD – Каромат Дилором Файзулло кизи.

Сайыскерлер үш кезең бойынша өз білімдерін көрсетті. Қатысушылар бірінші кезеңде блиц-сауалнамадан өтіп, екінші кезеңде Еркеш Шакеевтің фортепианоға арналған «Tango in Barroque style» шығармасын жазбаша талдады. Үшінші кезеңде ғылыми-зерттеу жобаларын қорғады. Үш кезеңнің қорытынды нәтижелері бойынша Құрманғазы атындағы ҚҰК “Музыкатану” мамандығының студенттері жеңімпаз атанды.

III дәрежелі диплом:

- Әділжанова Жансұлу, ғылыми жетекшісі - Бердібай А.Р.;

- Хуторова Вера, ғылыми жетекшісі - Газизова Л.Ш.;

«Үздік ғылыми жоба» дипломы және Өзбекстан елінде ЖАК талаптары бойынша шығатын Халықаралық журналға мақаласын тегін жариялауға мүмкіндік беретін сертификат:

- Мұқият Дариға, ғылыми жетекшісі - Мұхамбетжанов Ш.М.