Консерватория студенттері Мәди Бәпиұлы атындағы республикалық әншілер байқауында лауреат атанды

2022 жылдың 2-4 қараша аралығында Қарағанды қаласында Мәди Бәпиұлы атындағы V республикалық әншілер байқауы өтті.

Осымен бесінші мәрте өтіп жатқан бұл өнер додасы дәстүрлі әншілер арасындағы шоқтығы биік байқаулардың біріне айналып келе жатыр.

Конкурсқа еліміздің түкпір-түкпірінен 36 үміткер қатысты. Олардың алды өнер театрында, филармонияда жұмыс істесе, ең жасы кіші үміткерлер музыка колледжінің студенттері болды. Екі күнге созылған бұл байқаудың жеңімпаздарын Қазақстанның халық артисі, мемлекеттік сыйлықтың иегері, профессор Қайрат Байбосынов бастаған қазылар алқасы анықтады.

Байқау қорытындысы бойынша консерваториямыздың «Халық әні» мамандығында оқитын студенттері лауреат атанды. Олар: I орын Нұрболат Ұзақбай, ұстазы доцент Аманкелді Күзеубай, II орын Сатыпалды Мағжан, ұстазы доцент Ардақ Исатаева, III орын Айдос Саниязбеков, ұстазы профессор Еркін Шүкіманов.

Жүлдегер студенттерімізді және ұстаздарын жеңістерімен құттықтап, мол шығармашылық табыс тілейміз!