Консерватория түлегі Мәскеу қаласындағы Үлкен Опера телевизиялық жобасында жеңімпазы атанды.

2023 жылдың 22 желтоқсанында Мәскеу қаласындағы П.Чайковский атындағы консерваторияның Үлкен залында Үлкен Опера телевизиялық жобасының марапаттау рәсімі мен Гала концерті өткен еді. Оған Қазақстан, Ресей, Беларусь, Өзбекстан және өзге де елдерден келген жас кәсіби опера әншілері қатысып, өнер көрсетті.

Айтулы мерекелік кешке еліміздің атынан қатысқан Құрманғазы атындағы консерваторияның түлегі, ұлағатты ұстаз Т.Бекназарова сыныбының шәкірті Дінмұхамед Көшкінбаев осы жобаның жеңімпазы атанды!

Өнер-білім ордасының қарашаңырағы саналатын консерваторияның түлегі, өнерімен тыңдаушыларын тәнті етіп жүрген Дінмұхамед Көшкінбаевты осынау жеңісімен құттықтаймыз!