Консерватория түлектері мен студенттері халықаралық аренаны бағындырды!

Қазақ ұлттық консерваториясының түлегі Диас Елемес (профессор А. Гайсиннің сыныбы) «Premio Internazionale della Fisarmonica» беделді халықаралық баяншылар мен аккордеонистер байқауында «World Senior» санатында 1-орынды жеңіп алды.

Диаспен бірге "Қобыз және баян" кафедрасының 4-курс студенті Ақымбек Темірлан (Г. Нарымбетовтың сыныбы) және түлегіміз Жандос Сауыт (профессор А. Гайсиннің сыныбы) консерваториямыздың намысын қорғады.  

Италияның Кастельфидардо қаласындағы Premio Internazionale della Fisarmonica — жыл сайын 60 елден 200-ден астам музыкант пен 50 сарапшының басын қосатын әлемдегі ең беделді аккордеонистер конкурстарының бірі.

Музыканттарымызды жетістігімен құттықтап, оларға жаңа кәсіби шыңдарды бағындыруды тілейміз!