Консерватория ұжымы профессор Тамара Мұхамедиярқызын мерейтойымен құттықтады
31 қаңтар 2022
Бүгін Құрманғазы атындағы Қазақ ұлттық консерваториясының ғылыми-шығармашылық және халықаралық ынтымақтастық жұмыстар жөніндегі проректоры Ғалия Зайнақұлқызы «Әлеуметтік-гуманитарлық пәндер» кафедрасының профессоры Сатыбалдина Тамара Мухамедиярқызын мерейтоймен құттықтап, ыстық ықыласын білдірді.
Тамара Мұхамедиярқызы – көп жыл қатарынан кафедра меңгерушісі болып, өзінің ерекше ұйымдастырушылық қабілетін көрсете білген жан. Оның данагөй, әділ, адал, ақкөңіл адамдық болмысы ұжым арасында тек жағымды әсерін қалдырып келеді.
Профессор жас музыканттардың ғана емес, әріптестерінің де рухани және дүниетанымдық тұрғысынан қалыптасуына сүбелі үлес қосты.
Сатыбалдина Тамара Мұхамедиярқызының көп жылдық әрі адал еңбегі – Құрманғазы атындағы Қазақ ұлттық консерваториясының тарихында өзіне лайықты орнын алатыны белгілі.
Тамара Мұхамедиярқызын мерейтойымен шын жүректен құттықтап, зор денсаулық, ұзақ өмір, сарқылмас оптимизм мен шығармашылық табыс тілейміз!
Қабылдау 2024