Консерваторияда Ақан Сері Қорамсаұлының 180 жылдығына арналған Халықаралық конференция өтпек

2023 жылдың 12 желтоқсанында Құрманғазы атындағы Қазақ ұлттық консерваториясында Ақан Сері Қорамсаұлының 180 жылдығына арналған «Қазіргі замандағы дәстүрлі ән және жыр өнері: Теория және практика» тақырыбында халықаралық ғылыми-практикалық конференция өтеді.

Конференция ұйымдастырушылары айтулы күні ән және жыршылық өнердің орындаушылық үлгісі мен қазіргі жағдайын және шығармашылық жоғары оқу орындарының білім берудегі өзекті мәселелерін, отандық және шетелдік ғалымдардың ғылыми ізденістерінің нәтижелерін талқылауды, сондай-ақ ән-жыр өнерін жан-жақты насихаттау үшін нақты шешімдерді іздестіру жолын кеңінен қамтуды мақсат етуде.

Сонымен қатар, ауқымды іс-шара аясында пленарлық отырыстар, тақырыптық мәжілістер, музыкалық білім беру процесінде дәстүрлі оқыту әдістері мен әдістемелерін көрсету мақсатында шеберлік сыныптарын және арнайы концерттік кеш өткізу жоспарланған.