Консерваторияда «Әдемі қала! Қайғылы қаңтар, сабақтар мен міндеттер!» атты кураторлық сағат өтті

Кураторлық сағатты консерваториямыздың Тәрбие және әлеуметтік жұмыс жөніндегі проректоры Мұхамбет Ешмұханов пен Студенттер және түлектермен жұмыс жасау бөлімі өткізді.

Іс-шара «Қайғылы қаңтар, сабақтар мен міндеттер!» атты тақырып айналасында өрбіді. Кураторлық сағат барысында проректор Мұхамбет Ашхатұлы елімізде орын алған қайғылы жағдайлардан жастар қандай сабақ алулары керек екендігі жөнінде айтып, студенттеріміздің сол ортада болмағандығын ескеріп, білім алушыларымызға өз алғысын білдірді.

Студенттер тарапынан оқу тәрбие үдерісі бойынша сұрақтар қойылып, тұщымды жауаптары берілді. Сонымен қатар кейбір шешуін таппай жатқан жұмыстардың алдағы уақытта шешілетіндігі де айтылды.