Консерваторияда М.Әуезовтің 125 жылдығына арналған шара өтті

2022 жылғы қыркүйектің 28 күні Құрманғазы атындағы Қазақ ұлттық консерваториясының кіші залында консерватория факультеттері командаларының арасында Қазақстан Республикасы тілдері мерекесіне орай, заңғар жазушымыз Мұхтар Омарханұлы Әуезовтің туғанына 125 жыл толуына арналған «Мұхтар жолы» атты сайыс өтті.

Әр факультеттің студенттерінен құралған төрт топ арасында өткен сайысты Әлеуметтік-гуманитарлық пәндер кафедрасының Тілдер секциясы ұйымдастырды.
Сайыс 4 түрлі кезеңнен тұрды.
1. Сәлемдесу, танысу. (Бірнеше тілде);
2. М.Әуезовтің өмірі мен шығармашылығынан көрініс көрсету;
3. М.Әуезовтің өмірі мен шығармашылығынан монолог оқу;
4. Сұрақ-жауап сайысы;
«Білекке-білек», «Заңғар», «Дауыл», «Керуен» атты төрт факультет командалары білімдері мен өнерлерін ортаға салып, бақ сынасты. Командалардың өнер-білімдері мен қойылымдарына баға беруші қазылар алқасында Тәрбие және әлеуметтік жұмыстар жөніндегі проректор М.Ешмұханов, Музыкатану, Арт-менеджмент және ӘГП факультетінің деканы Г.Мұсағұлова, ӘГП кафедрасының профессоры Г.Сүлеева және доцент Т.Айдос болды. Сайыс қызықты, тартысты өтті. Шара соңында жеңімпаз командалар марапатталып, кішігірім сыйлықтар табысталды.
Мұндай шаралардың өтуі студент жастардың өнер-білімдерін шыңдауларына, жан-жақты дамуларына, әрі студенттік кезеңдерінің қызықты өтуіне ықпал етпек. Ұйымдастырушылар мен қатысушы студенттерімізге алғыс білдіріп, шығармашылық табыстар тілейміз.