Консерваторияда "Музыка - адамзаттың әмбебап тілі" атты пәндік олимпиада өткізілді

2023 жылдың 28 сәуірінде Құрманғазы атындағы Қазақ ұлттық консерваториясы ӘГП кафедрасы "Қазақ және шет тілдері" секциясының оқытушыларының ұйымдастыруымен   "Музыка - адамзаттың әмбебап тілі" атты тілдік пәндерден ЖОО аралық пәндік Олимпиада өткізілді. Аталмыш іс-шараға ҚҰК-ң барлық мамандықтары бойынша бірінші және екінші курс студенттері, сондай-ақ Т. Жургенов атындағы Өнер академиясының студенттері қатысты. Олимпиада жұмысы қазақ, орыс және ағылшын тілдері секциялары бойынша екі кезеңнен тұрды. Студенттер өз жұмыстарымен таныстырып, білімдері мен шығармашылық белсенділіктерін көрсете білді. Консерватория мен Өнер академиясының ОПҚ құрамындағы қазылар алқасы олимпиадаға қатысушылардың тілдік дайындық деңгейін жоғары бағалады.

Олимпиада қорытындысына келер болсақ,   Қазақ тілі секциясы бойынша келесі студенттер жүлделі орындарға ие болды: Торосян А. (1-ші орын), Гадиева Ш (2-ші орын), Рыбалкина А. (3-ші орын).

Орыс тілі секциясы бойынша орындар келесідей бөлінді: Ахметова М. (1-ші орын), Даулбаев Р. және Тәженбаева Ф. (2-ші орын), Батырканова Т. және Усерова С. (3-ші орын) Ағылшын тілі секциясы бойынша келесі дипломдар тапсырылды: Қырықбай А. (1-ші орын), Тастанбекова А. және Котова И. (2-ші орын), Совет Данель (Жүргенов атындағы Өнер академиясының студенті) және А. Жұмажанова А., Ақбергенов Н. (3-ші орын).