Консерваторияда «Психологтардың ашық алаңы» атты шара өтті

2023 жылдың 18 сәуірінде Құрманғазы атындағы Қазақ ұлттық консерваториясында білім алушылар, қызметкерлер мен оқытушыларға ашық түрде жеке және кіші топтық үлгіде Алматы қаласы бойынша ЖОО-ның (Әл-Фараби ат. ҚаҰУ - А. Мейрамбекұлы, Ғ.Дәукеев ат.АЭжБУ - А.И. Биманова, Азаматтық авиация академиясы – Д.С. Алминова, Құрманғазы ат. ҚҰК - Д.Р. Шабденова) психологтарымен кездесу өтті. Алғы сөз Құрманғазы атындағы Қазақ ұлттық консерваториясының Тәрбие және әлеуметтік жұмыстар жөніндегі проректоры Ешмұханов Мұхамбет Ашхатұлына берілді.

Қазақстан Республикасындағы психологиялық өмір сүру сапасын қамтамасыз ету және жақсарту жөніндегі «Қауіпсіз орта» атты ұлттық жоба аясында өткізілген жиында (жоғарыда аталған) ЖОО-ның психологтары білім алушылармен кездесіп, олардың сұрақтарын тыңдап, психологиялық экспресс тесттер, мак-карталар, нейрографикалар, транзакттік талдау, логотерапия т.б. әдістердің аясында қарастырылған кеңестер және жалпы ЖОО-ның тарапынан психологиялық көмек ретінде жасалып отырған экспресс диагностикалық жұмыстарын жүргізді. Сонымен қатар жиында келесі студенттер: Асан Зейнеп (АОФ, флейта), Темір Жансая (ХМФ, жетіген), Майданова Самал (ХМФ, қылкобыз) өнер көрсетті, бұл өз кезегінде қатысушыларға көтеріңкі көңіл-күй сыйлап, жағымды әсер қалдырды. Кездесу барысында студенттер өз ойларын ортаға салып, жасалып жатқан іс-шара үшін консерватория басшылығына ризашылықтарын білдірді.