Консерваторияда өтіп жатқан Студенттік пәндік олимпиадасында «Ішекті аспаптар» номинациясының жеңімпаздары анықталды

2023 жылдың 5-6 сәуірінде Құрманғазы атындағы Қазақ ұлттық консерваториясында «Аспапта орындаушылық» мамандығының «Ішекті аспаптар» номинациясы бойынша ХV Республикалық студенттік пәндік олимпиадасы өтті.

Аталмыш номинациясы бойынша жоғарғы оқу орындары арасындағы республикалық студенттік пәндік олимпиадаға 18 студент Құрманғазы атындағы Қазақ Ұлттық консерваториясынан, 2 студент Астана қаласының Қазақ Ұлттық өнер университетінен, 1 студент Орал қаласының М.Өтеміс атындағы Батыс-Қазақстан университетінен қатысты.

Олимпиаданың қорытындысы бойынша жоғары көрсеткішке қол жеткізген және Қазақстан Республикасы Ғылым және жоғары білім министрлігінің дипломымен марапаттауға ұсынылған студенттердің тізімі:

1) I дәрежелі Министрлік дипломымен Саламатова Жанель Даулетовна (Құрманғазы атындағы ҚҰК);

2) II дәрежелі Министрлік дипломымен Акбергенов Нуркен Ганиулы (Құрманғазы атындағы ҚҰК) мен Еркінқазы Еділ ( Құрманғазы атындағы ҚҰК);

3) III дәрежелі Министрлік дипломымен Шакеримова Тогжан Ерлановна (Құрманғазы атындағы ҚҰК), Хасанов Жалғас Қайратұлы (Құрманғазы атындағы ҚҰК), Айткулова Камила Тимуровна (Астана қаласының ҚҰӨУ).