Консерваторияда XV Республикалық кіші олимпиада өз мәресіне жетті

2023 жылғы 28 наурыз бен 25 сәуір аралығында «Құрманғазы атындағы Қазақ ұлттық консерваториясы» РММ музыкалық колледждер мен мамандандырылған мектептердің білім алушылары арасында XV Республикалық кіші олимпиадасын өткізді. 

Іс-шара Қазақстан Республикасындағы кәсіби білім алуды одан әрі жетілдіру мен дамыту, арнаулы музыкалық мектептер мен колледж педагогтарының шығармашылық қызметін ынталандыру, қатысушылардың кәсіби-тұлғалық қуатын, олардың шығармашылық қабілетін ашу, өз қабілетін іске асыра және өздерін таныта білулеріне жағдай туғызу мақсатында ҚР ҰҚМ № 514 бұйрығы негізінде өткізілді. Шығармашылық жарыстар "Өнер" бағытында 10 мамандық, 24 номинация бойынша: "П.Чайковский атындағы Алматы музыкалық колледжі", "Д. Нұрпейісова атындағы Халық музыкасы академиясы жанындағы музыка колледжі", "Қазанғап атындағы Қызылорда музыкалық колледжі", "А.Жубанов атындағы дарынды балаларға арналған Республикалық қазақ мамандандырылған музыкалық мектеп-интернаты", "Саз колледжі", "А. Жұбанов атындығы Ақтөбе музыкалық колледжі", " Қазақ Ұлттық Өнер Университеті жанындағы Колледжі", "Мұқан Төлебаев атындағы музыка училищесі", "Тәттімбет атындағы Қарағанды өнер колледжі", "Музыкалық колледж-дарынды балаларға арналған музыкалық мектеп-интернат" және т.б. өкілдерінің қатысуымен өтті. Кіші олимпиадаға қатысушылар саны 453 құрады.

Олимпиада жеңімпаздарын құттықтаймыз және шығармашылық табыстар тілейміз. Кіші олимпиаданың нәтижелерін консерваторияның сайтынан көруге болады: http://www.conservatoire.edu.kz/kz/olimpiada/respublikaly-kishi-olimpiada/2023-zhyl/