Консерваторияның бірқатар оқытушылары мен қызметкерлері іссапарда

2022 жылдың 21-26 наурыз аралығында Виго Музыка консерваториясында CONSERVATORIO SUPERIOR DE MÚSICA DE VIGO (Виго, Испания) Erasmus+ бағдарламасы аясында өткізілетін орындаушылық өнер бойынша шеберлік сыныптары, лекциялар және өзге де іс-шаралар жоспарлануына орай орындаушылық өнер дәрістерін оқыту әрі ұйымдастырылған кездесулерге қатысу мақсатында өнер-білім ордамыздың бірқатар қызметкерлері мен оқытушылары Испания еліне іссапарға аттанды. 

Олардың қатарында: Оқу және оқу-әдістемелік жұмыстар жөніндегі проректор – Әбдірахман Гүлнар Бақытқызы, Халықаралық бөлім жетекшісі – Абдухалық Жәния Рахманқызы, «Үрмелі және ұрмалы аспаптар» кафедрасының меңгерушісі – Нестерова Олеся Викторовна, Концертмейстер, фортепиано мұғалімі – Дюсембаева Рабиға Сыдыққызы, сондай-ақ «Үрмелі және ұрмалы аспаптар» кафедрасының оқытушысы – Иманбаев Азамат Қапуханұлы бар.

Барлық іссапар шығындары (жол, жатын орын, тәуліктік шығындар) Erasmus+ бағдарламасы есебінен төленді.

Іссапарда жүрген қызметкерлеріміз бен ұстаздарымыз орындаушылық өнерге байланысты шеберлік сыныптарын өткізіп, өнерлерін ортаға салуда.

Консерваторияны өзге елге танытуға аттанған әріптестерімізге ақ жол тілейміз!