Консерваторияның Камералық залына Ғ.Жұбанованың есімі берілді

2023 жылдың 11 желтоқсанында Құрманғазы атындағы Қазақ ұлттық консерваториясының Камералық залына композитор, Қазақстанның және КСРО-ның Халық артисі, ҚазССР Мемлекеттік сыйлығының лауреаты, профессор Ғ.Жұбанованың есімі берілуіне орай композитор құрметіне салтанатты түрде Ескерткіш тақтасы ашылды.

Сонымен қатар, дәл осы күні Ғ.Жұбанова атындағы Камералық залында «Өнермен өрілген өмір» тақырыбында Ғазиза Ахметқызы Жұбанованы Еске алу кеші болып өтті.

Концерттік кеш бағдарламасы аясында көрермендер назарына көрме сондай-ақ, Ахмет және Ғазиза Жұбановтардың фортепианалық, вокалдық шығармалары ҚР Еңбек сіңірген қайраткері, композитор, «Арнайы фортепиано» кафедрасының профессоры Гүлжан Үзенбаева сыныбының студенттері Ақмарал Мықтыбаева, Нұрсұлтан Амангелді, Айдана Салы, Әмина Хамзина, Хан Хий Джон, Арайлым Кәрібай, Камила Амандық, Ашот Мхитарян және ҚР Мәдениет саласының үздігі, Халықаралық конкурстардың лауреаты «Вокал кафедрасының» доценті Гүлнар Нұрғалиеваның орындауында ұсынылды. Кешті Диана Панарғалиева жүргізді.