Консерваторияның үлкен концерттік залында марапаттау рәсімі өтті

19 сәуірде өнер-білім ордасының Е.Рахмадиев атындағы Үлкен концерттік залында түрлі мамандықтардың студенттерін, халықаралық байқаулардың қатысушылары мен жеңімпаздарын марапаттау рәсімі өткізілді:

1. «ЕНИСЕЙ-KLAVIER» VI халықаралық фортепианошылар байқауы;

2. Фортепиано курсы бойынша әртүрлі мамандықтағы өнерпаздарға арналған «Фортепианоға арналған әлем халықтарының музыкасы» атты VI Ашық халықаралық фестиваль-байқауы;

3. «La Campanella» классикалық музыканың Халықаралық онлайн байқауы;

4. Әртүрлі мамандықтағы студенттерге арналған EURASIA PIANO FORUM VII Халықаралық фортепиано байқауы.

Марапаттау рәсімін «Арнайы фортепиано» кафедрасының меңгерушісі, доцент Олексенко Игорь Владимирович ұйымдастырды.

Айта кетейік, 11 сәуірде өткен дөңгелек үстелге қатысушылар да сертификаттарға ие болды. Сондай-ақ, халықаралық байқаулардың қатысушылары мен жеңімпаздарын даярлаған кафедра оқытушыларына Алғыс хаттар табысталды.