«Кредиттік оқу технологиясы» атты кураторлық сағат өтті

Бүгін Құрманғазы атындағы Қазақ ұлттық консерваториясының А.Жұбанов атындағы кіші концерт залында 2022-2023 оқу жылындағы 1-курс студенттеріне арналған кураторлық сағат өтті. Жалпы кураторлық сағат «Кредиттік оқу технологиясы» тақырыбында өрбіді.

Жиынды Тәрбие және әлеуметтік жұмыс жөніндегі проректор Мұхамбет Ашхатұлы Ешмұханов ұйымдастырды. Сондай-ақ, жиынға Оқу ісі жөніндегі проректор Гүлнәр Бақытқызы Әбдірахман мен ғылыми хатшы Айнұр Жақыпәліқызы Мәшімбаева қатысты.

Оқу ісі жөніндегі проректор Гүлнәр Бақытқызы студенттерге өнер-білім ордасындағы жалпы оқу үдерісі, кредиттік оқу технологиясы мен мемлекеттік шәкіртақы жөнінде түсіндірме жұмыстарын жүргізді. Ал ғылыми хатшы Айнұр Жақыпәліқызы оқу жүйесіне байланысты студенттерді толғандырған барлық сұрақтарға тұшымды жауап берді.

Кураторлық сағат барысында білім алушылар консерваториядағы оқу үдерісімен толық танысып, өздеріне қажетті ақпараттарға қанықты.