Ұлағатты ұстаз Юрий Клушкиннің 85 жылдық мерейтойы құтты болсын!

Бүгін ҚР Халық артисі, «Үрмелі және ұрмалы аспаптар» кафедрасының оқытушысы Юрий Степанович Клушкиннің 85 жылдық мерейтойына орай кафедра оқытушылары өнер иесін туған күнімен шын жүректен құттықтайды!

Юрий Степанович дарынды музыкант және көрнекті педагог ретінде кеңінен танымал. Ол – керней сыныбы бойынша орындаушылық өнердің дәстүрлерін сақтау және дамыту жолында көп еңбек сіңірген, Қазақстанның «Алтын кернейіне» айналған жан.

Ю.С.Клушкиннің бойындағы табиғи даналық, жоғары орындаушылық шеберлік және өз тәжірибесін студенттерге жеткізуге деген шынайы ықылас керемет үйлесім тапқан. Юрий Степанович адамдарды музыкамен, түрлі идеялармен сөзсіз қызықтыра алады.

Мерейтой иесінің шәкірттері беделді халықаралық байқаулардың лауреаттары мен дипломанттары атанып, концерттік қызметпен белсенді айналысып, жоғары және орта музыкалық мекемелерде жұмыс істеуде.

Юрий Степановичтің білім беру саласындағы еңбегі жоғары бағаға ие болды. Ол «ҚР Тәуелсіздігінің 10 жылдығына орай ҚР Президентінің Құрмет грамотасымен», «Парасат» орденімен, «ҚР Тәуелсіздігіне 20 жыл» медалімен, «ҚР Білім беру үздігі», «ҚР Білім беру ісінің құрметті қызметкері», «ҚР Тұңғыш Президенті – Елбасының мәдениет саласындағы мемлекеттік стипендиясымен» марапатталған.

Ю.С.Клушкинді төл мерекесімен тағы бір мәрте құттықтап, зор денсаулық пен ұзақ өмір тілейміз!