Әлемге аты әйгілі баян музыкасының виртуозы – Айдар Гайнуллинмен кездесу өтті

2024 жылдың 12 сәуірінде консерваторияда «Қобыз және баян» кафедрасының ұйымдастыруымен әлемге аты әйгілі баян музыкасының виртуозы – Айдар Гайнуллинмен кездесу өтті.

Бұл іс-шара консерватория оқытушылары мен студенттері үшін, жалпы баян музыкасының жанкүйерлері үшін ерекше кездесу болды.

Айдар Гайнуллин - әлемге әйгілі ресейлік баяншы, танымал вокалист және композитор, Татарстан Республикасының еңбек сіңірген артисі, кинематография өнерінің академигі, көптеген халықаралық баяншылар мен аккордеоншылар байқауының лауреаты.

Айдар Гайнуллиннің орындауындағы шығармалар Берлин Музыка филармониясының Үлкен залы, Carnegie Hall, Gaveau (Париж), Wigmor (Лондон), Кеннеди орталығында (Вашингтон), Мәскеу халықаралық музыка үйі, Мемлекеттік Кремль Сарайы секілді және т.б. әлемдегі ең үздік концерттік залдарда шырқалып жүр.

Кездесу барысында Айдар Гайнуллин өзінің кәсіби тәжірибесімен, шеберлік құпиясымен және шығармашылығындағы жетістіктерімен бөлісті.

Келелі кездесу баян музыкасының атақты виртуозы Айдар Гайнуллиннің шығармашылық жолы туралы көбірек білуге мүмкіндік беріп қана қоймай, сонымен қатар барлық қатысушыларды жаңа шығармашылық жетістіктер мен музыкалық жаңалықтарға шабыттандырды.