Лингвистикалық партитура: Консерватория студенттері сөз шеберлігін, эрудициясын және командалық рух көрсетті
2025 жылы 5 ақпанда Құрманғазы атындағы Қазақ ұлттық консерваториясында әлеуметтік-гуманитарлық пәндер кафедрасының ұйымдастыруымен «Лингвистикалық партитура» атты орыс тілі бойынша QUIZ-турнир өтті.
Зияткерлік сайысқа «Хормен дирижерлау» және «Вокалдық өнер» мамандықтарының студенттері қатысты. Шара талантты жас музыканттарды бір арнаға тоғыстырып, академиялық дәлдік пен тілге деген шығармашылық көзқарасты ұштастырған қызықты ойын форматында өтті.
Турнир бірнеше кезеңнен тұрды: «Әдеби және музыкалық шатасу», «Құпия нота», «Фразеологизмдерді табу», «Поэтикалық дуэль», «Партитураны бағындыру», «Музыкалық блиц», «Музыка бізді байланыстырды…» және финалдық раунд – «Таланттар гармониясы». Турнирдің ерекшеліктерінің бірі — жасанды интеллектті қолдана отырып тапсырмаларды орындау болды. Музыкалық блиц Quizizz платформасында өткізіліп, студенттерге өз білімдерін динамикалық және интерактивті түрде көрсетуге мүмкіндік берді. Қатысушылар тілдік білімдерін, көркемдік қабілеттерін және командада жұмыс істей білу дағдыларын көрсетті. Сұрақтар лексика мен синтаксистен бастап, фразеологизмдермен жұмыс жасау, көркем оқу сияқты кең ауқымды тақырыптарды қамтыды.
Турнир қорытындысы бойынша «Хормен дирижерлау» мамандығының студенттері жеңімпаз атанып, лингвистикалық эрудициясын және командалық жұмыстағы үйлесімділігін дәлелдеді.
QUIZ-турнир студенттердің орыс тілін меңгеру деңгейін арттыруға, кәсіби салада тілдік құзыреттілікті дамытуға және тәжірибе алмасуға ықпал ететін маңызды шаралардың бірі ретінде жоғары бағаланды. Оқытушылар мен студенттер осындай іс-шаралардың тілдік білімді тереңдетуге және болашақ музыканттардың кәсіби қызметінде орыс тілінің маңыздылығын арттыруға ықпал ететінін атап өтті.
