Маэстро Марат Бисенғалиевпен және SOI делегациясымен кездесу
12 қыркүйек 2025
Бүгін Құрманғазы атындағы Қазақ ұлттық консерваториясында ерекше оқиға өтті — біздің Консерваторияның құрметті профессоры, көрнекті музыкант маэстро Марат Бисенғалиевпен және Үндістан симфониялық оркестрінің (SOI) делегациясымен кездесу.
Алматыға алғаш рет оркестр басшылығымен бірге ұжымның музыканттары да келді: оркестрдің бас өкілі, халықаралық байланыстар жөніндегі менеджері, музыкалық жобалар менеджері және оркестр менеджері.
Қонақтар Консерватория базасымен танысып, кабинеттерді аралап, оқытушылармен және студенттермен пікір алмасты. Олар оқу орнының шығармашылық рухына, дәстүрлеріне тәнті болып, шынайы әсер алды. Әсіресе, SOI оркестрінде біздің түлектердің еңбек етіп жүргені зор мақтаныш.
Үндістан симфониялық оркестрі Алматыға ұлы композитор, дирижёр, Қазақстанның халық артисі Нұрғиса Тілендиевтің 100 жылдығына арналған «Qustar» концерттік бағдарламасымен келді. Бұл — бүкіл әлемде аталып өтіліп жатқан маңызды дата, ол өнер қауымдастығын ұлы тұлғаның мұрасы төңірегінде біріктіреді.
Кездесудің өзегінде тек шығармашылық жобалар ғана емес, болашақты қалыптастыратын идеялар болды: халықаралық ынтымақтастықты дамыту, мәдени институттардың тұрақтылығы, білім беру бастамалары. Симфониялық оркестр мен білім беру жобалары аясында бірлескен бағдарламалар талқыланды.
Біз үшін тұрақты даму мен халықаралық байланыстарды нығайту аса маңызды, өйткені басты құндылық — адам. Өнер елдер мен мәдениеттерді жақындастырып, шекараларды жояды және жүректерді біріктіреді.
Бүгінгі кездесу жаңа көкжиектерге қадам болды: музыка Қазақстан мен Үндістанды ортақ ырғақта тоғыстырды.
Альбомдарға оралу
Алматыға алғаш рет оркестр басшылығымен бірге ұжымның музыканттары да келді: оркестрдің бас өкілі, халықаралық байланыстар жөніндегі менеджері, музыкалық жобалар менеджері және оркестр менеджері.
Қонақтар Консерватория базасымен танысып, кабинеттерді аралап, оқытушылармен және студенттермен пікір алмасты. Олар оқу орнының шығармашылық рухына, дәстүрлеріне тәнті болып, шынайы әсер алды. Әсіресе, SOI оркестрінде біздің түлектердің еңбек етіп жүргені зор мақтаныш.
Үндістан симфониялық оркестрі Алматыға ұлы композитор, дирижёр, Қазақстанның халық артисі Нұрғиса Тілендиевтің 100 жылдығына арналған «Qustar» концерттік бағдарламасымен келді. Бұл — бүкіл әлемде аталып өтіліп жатқан маңызды дата, ол өнер қауымдастығын ұлы тұлғаның мұрасы төңірегінде біріктіреді.
Кездесудің өзегінде тек шығармашылық жобалар ғана емес, болашақты қалыптастыратын идеялар болды: халықаралық ынтымақтастықты дамыту, мәдени институттардың тұрақтылығы, білім беру бастамалары. Симфониялық оркестр мен білім беру жобалары аясында бірлескен бағдарламалар талқыланды.
Біз үшін тұрақты даму мен халықаралық байланыстарды нығайту аса маңызды, өйткені басты құндылық — адам. Өнер елдер мен мәдениеттерді жақындастырып, шекараларды жояды және жүректерді біріктіреді.
Бүгінгі кездесу жаңа көкжиектерге қадам болды: музыка Қазақстан мен Үндістанды ортақ ырғақта тоғыстырды.
Қабылдау 2025