Майя Плисецкая қазақстандықтардың жүрегін тағы да жауламақ
Алматыда 2023 жылғы 2 наурызда ұлы балерина Майя Плисецкаяға және оның белгілі француз балетмейстерімен, жазушыларымен және сәнгерлерімен серіктестікке арналған Дамир Оразымбеттің ашық дәрісі өтеді. Дәріс «Өнер тәрбиесі» жобасының бір бөлігі саналады – тыңдаушыларға балет әлемі жаңа қырынан көрінетін хореографиялық өнер тарихы туралы ашық кездесулер-әңгімелер циклінен тұрады.
Кең аудиторияға арналған дәрісті тыңдаушы мен көрермен – білімді адам, бірақ көбінесе бұл саланың маманы емес боп жатады. Мұндай іс-шаралар үшін дәріскер білім мен материалды жинақтауға мүмкіндік беретін қарапайымдылық пен еркіндік дәрежесіне көтеріледі. Сондықтан кез-келген күрделі ақпарат қарапайым әрі қолжетімді.
«Майя Плисецкая және ұлы француздар» ашық дәрісінде ұйымдастырушылар жаңа нәрселерді үйренуге және әрқашан трендте болуға қызығушылық танытатын көрерменмен бұрынғы әңгімені жалғастырады.
Дәріскер Дамир Оразымбет – театр режиссері, балетмейстер, өнертану кандидаты, Qazaq Вallet Magazine бас редакторы, Құрманғазы атындағы Қазақ ұлттық консерваториясының арт-менеджмент кафедрасының доценті, Қазақстандық Ұлттық ЮНЕСКО Клубтары Федерациясының бас режиссері, Нұрсұлтан Назарбаев Қоры жанындағы мәдениет жөніндегі Кеңестің мүшесі.
Бұл жолы Алматының мәдени іс-шарасына келген көрермендер Майя Плисецкаяның сүйікті парфюмі, оның француз жазушыларымен және Коко Шанельмен қарым-қатынасы жайлы естиді, сонымен қатар, кутюрье Ив Сен-Лоран мен Пьер Карденнің балерина киімдерін көреді. Ең бастысы, көрермен Майя үшін арнайы қойылған француз балетмейстерлерінің қойылымдарының шығу тарихын біледі! Дәріс түрлі-түсті презентацияда біріктірілген режиссердің жеке мұрағатындағы сирек кездесетін фотосуреттерден, бейнежазбалардан және материалдардан тұрады.
Іс-шара Qazaq Вallet ғылыми-шығармашылық зертханасының бастамасымен, Нұрсұлтан Назарбаев Қоры және Қазақстандық Ұлттық ЮНЕСКО Клубтары Федерациясының қолдауымен өтеді.
Өтетін орны: Алматы қ., М. Ганди к-сі, 10.
Кіру тегін. Сілтеме бойынша алдын ала тіркелу қажет.
Күні мен уақыты: 2 наурыз 2023 жыл, сағат 19:00
Анықтама телефоны: +7 707 394 32 32