Мерейтойлық марафон ашық деп жарияланды

Баршамыз күткендей, бұл сәт келді! Бүгін Е. Рахмадиев атындағы Үлкен концерт залында мерейтойлық марафонның алғашқы концерті — Үрлемелі музыка кеші өтті. 

Кешті консерватория ректоры Гаухар Тасбергенова салтанатты түрде ашып, жиналғандарды құттықтай отырып, осы тарихи оқиғаны бірге атап өтуге шақырды. 

Сахна төрінде студенттік ансамбльдер мен үрмелі аспаптар оркестрі, сондай-ақ арнайы шақырылған қонақтар — Құрманғазы атындағы Қазақ ұлттық өнер университетінің ағаш үрмелі аспаптар квинтеті өнер көрсетті. Ұжым жетекшісі, «Дарын» мемлекеттік сыйлығының лауреаты Қалқаман Дүйсенбаев консерваторияны мерейтоймен құттықтады. 

Мерейтойлық марафон басталды! Алда бізді әлі талай жарқын шаралар күтуде! Жаңалықтарды көре отырып, бізге қосылыңыздар.