Миланнан (Италия) келген профессор Деметрио Колачидің сапары
2024 жылғы 2 және 3 мамырда Миландағы (Италия) Джузеппе Верди атындағы музыка консерваториясының профессоры Деметрио Колачи Құрманғазы атындағы Қазақ ұлттық консерваториясына жеке сапармен келді. Профессор Консерватория қызметімен танысып, Вокалдық өнер кафедрасының студенттеріне шеберлік сыныптарын берді.
Сапар барысында маэстро Консерватория ректорының м. у. а. Нуркен Ашировпен кездесті. Олар екі елдің жоғары оқу орындары арасындағы халықаралық ынтымақтастықтың мүмкіндіктері мен перспективаларын талқылады. Ректор Н. Аширов құрметті қонаққа Құрманғазының «Адай» күйін домбырамен виртуоздық орындауын көрсетті. Д. Колачи сонымен қатар Н. Ашировтың «Сағыныш» шығармасын орындаған, халық аспаптар оркестрінің репетициясына қатысты. Маэстро шығарманың сұлулығы мен тереңдігіне, сондай-ақ студенттік оркестрдің мәнерлі кантиленалық ойынына әсер етіп, музыканттардың кәсібилігін атап өтті.
Д. Колачидің шеберлік сыныптарында В. А. Моцарт, Дж. Верди, В. Беллинилер мен тағы басқа композиторлардың шығармаларынан арияларды орындаған Аманова Ж. К., Баспакова Ж. Т., Бекназарова Т. К., Даурбаева Г. Б., Есимов Г. К, Жомартов Б. Н., Чалабаев М. К есімді оқытушылардың сыныптарының студенттері қатысты. Маэстро шеберлік сабағына қатысқан студенттерді (Абдулла С., Айткужинов Д., Алпысбаева А., Бейсеков А., Өтеген Н., Раис Д., Рахымжанова А., Рысбек А., Турымбек А.) жақсы дайындық деңгейі үшін мақтады, өз ұсыныстарын беріп қана қоймай, сонымен қатар өзінің вокалдық шеберлігін көрсетті, көрермендерді ән айту арқылы шабыттандырды.
Маэстро Қазақ консерваториясының әлемдік сахналарда өнер көрсете алатын әртістерді тәрбиелеуге әлеуеті бар екенін атап өтті. Д. Колачи итальян тілінің ерекшеліктеріне ерекше назар аудару керек екенін айтып шықты. Оның пікірінше, шығарма мен музыканың мағынасын жеткізу өте маңызды. Вокал, мимика және жест арқылы саналы, сахналық мінез-құлық пайда болады, бұл сауатты опера әртісінің орындауының ажырамас бөлігі болуы керек.
Шеберлік сыныпты аяқтай отырып, профессор Д. Колачи бұл оның біздің Консерваторияға соңғы сапары емес екенімен сендірді және студенттер мен оқытушыларды Милан консерваториясына шақырды.
