«Нашақорлық және лудомания залалы» тақырыбында кураторлық сағат өтті

2023 жылдың 22 қарашасында консерваторияның А.Жұбанов атындағы концерттік залында Тәрбие және әлеуметтік жұмыстар жөніндегі проректор Ешмұханов Мұхамбет Ашхатұлының ұйымдастыруымен «Нашақорлық және лудомания залалы» тақырыбында кураторлық сағат өтті. Кураторлық сағатқа Алматы қаласы Полиция департаменті ұйымдасқан қылмысқа қарсы күрес басқармасының қызметкері Бисенев Бексұлтан, Көбеев Дәурен, дәрігер-нарколог Анна Александровна қатысты.

Кездесу тақырыбы өте өзекті – қазіргі қоғамдағы нашақорлық дерті пен лудоманияға қатысты болды. Мұндай кеселдерден жас ұрпақты сақтау – өте маңызды. Тәжірибелі полиция қызметкерлерімен кездесу консерватория студенттері үшін есірткіні тұтынудың және құмар ойындарға тәуелділіктің нақты жағдайларымен, мысалдарымен және салдарымен танысу арқылы одан келетін залалдың қаншалықты екенін терең ұғынуға мүмкіндік берді.

Кездесуге қатысқан құқық қорғау органдарының қызметкерлері өз тәжірибелерімен және білімдерімен бөлісті. Олар студенттерге ескерту әдістері және қажет болған жағдайда көмек сұраудың маңыздылығы туралы айтты. Есірткі мен құмар ойындар – бақыт пен табысқа, ынсап пен қанағатқа емес, тәуелділікке түсіріп, құрдымға кетіретін жол екенін жастарымыз түсіну керек.