Оқытушыларға арналған Saryn вебинары өтті

2023 жылғы 23 тамызда Zoom платформасында БКБ тәртіпте Saryn журналының сайтында жұмыс істеу бойынша консерваторияның білім алушылары мен профессор-оқытушылар құрамына арналған вебинар өтті.

Вебинарды ғылыми-шығармашылық және халықаралық ынтымақтастық жұмыстар жөніндегі проректор, Saryn бас редакторы Ғалия Бегембетова және сапа менеджменті секторының басшысы, Saryn бас редакторының орынбасары Дамир Уразымбетов өткізді.

Онда sarynjournal.kz сайтының жұмыс істеу жүйесі, журнал редакциясына қолжазбаны беру, рәсімдеу ережелері және мақаланы дайындау, сондай-ақ журнал сайтындағы рецензенттің жұмысы туралы мәселелер талқыланды. Вебинар қатысушылары республикалық және халықаралық базаларға кіретін журналдардағы сапалы ғылыми жарияланымдардың дәйексөздеріне баса назар аударды.