Қос өнер-білім ордасы бірлесе жұмыс жасамақ

Таяуда Құрманғазы атындағы Қазақ ұлттық консерваториясының ЖІК-і (Жастар ісі жөніндегі комитет) мен Жүргенов атындағы Қазақ ұлттық өнер академиясының ЖІК-і ұйымдарының арасындағы ынтымақтастық меморандумына қол қойылды!

Осы құжат арқылы алдағы уақытта көрші отырған екі шығармашылық ЖОО бірлескен жобалар ұйымдастырып, жүзеге асыратын болады. Қос ұйым өкілдері: «Біз өте қуаныштымыз. Бізді қолдаған басшыларымызға рахмет айтамыз. Жаңалықтарымыздан құр қалмай, жобаларымызға ат салысуға шақырамыз» - деп, осы шаруаға қолдау білдірген басшыларға деген ризалықтарын жасырмады.

Екі оқу орнындағы шығармашыл жастардың басын қосып, тың идеяларын бірлесе жүзеге асыруға мүмкіндік беретін келісім құтты болсын! Сәттілік тілейміз!