Петрозаводск консерваториясының студенттері Қазақ консерваториясына оқуға келді

2024 жылғы 31 Тамызда серіктес-ЖОО А. К. Глазунов атындағы Петрозаводск мемлекеттік консерваториясының (Петрозаводск, Ресей) студенттері академиялық ұтқырлық бағдарламасы бойынша семестр ішінде оқу үшін Құрманғазы атындағы Қазақ ұлттық консерваториясына келді.
Халықаралық бөлімнің қызметкерлері студент Арина Сухова мен Ксения Снеткованы Алматы халықаралық әуежайында қарсы алып, жатақханаға ертіп орналастырды. 2024 жылдың 2 қыркүйегінде студенттер Вокалдық өнер кафедрасына барды, онда олар 2024–2025 оқу жылының бірінші (күзгі) семестрінде оқитын болады, кафедра меңгерушісі Танагүл Бекназаровамен жеке оқу жоспарының мәселелерін талқылап, сондай-ақ консерваторияның ғимараттары мен концерт залдарын тамашалады.
Арина мен Ксенияға табысты білім, шығармашылық дамуға шабыт және музыкалық мансапта жаңа жетістіктер тілейміз. Бұл семестр олар үшін өсу, жаңа ашылулар мен кәсіби жетістіктер уақыты болсын!