Поляк дирижері Станислав Кравчинскийдің консерваториядағы шығармашылық күндері аяқталды

2024 жылғы 19-23 ақпан аралығында Құрманғазы атындағы Қазақ ұлттық консерваториясында Эрасмус+ академиялық ұтқырлық бағдарламасы аясында Қазақстанға келген поляк дирижері, Краковтағы Кшиштоф Пендерецкий атындағы Музыка академиясының профессоры, доктор (hability) Станислав Кравчинскимен шығармашылық кездесулер, дәрістер мен шеберлік сыныптары өтті.

Бес күн бойы поляк дирижері консерватория студенттеріне дәрістер оқып, шеберлік сыныптарын өткізді. Студенттік оркестр, хор ұжымдарының сабақтарына қатысып, консерваториямызда қалыптасқан дирижерлік дәстүрлермен танысып, өз ойларымен бөлісіп, бар тәжірибесін ортаға салды.

Консерватория ұжымы профессор Станислав Кравчинскийге өз тәжірибелерімен бөлісіп, өткізген шеберлік сыныптары үшін алғыс білдіріп, шығармашылық табыс тілейді.