Профессор Б.Жаманбаев туралы кітаптың тұсаукесері өтті

4 мамыр күні Құрманғазы атындағы Қазақ ұлттық консерваториясының Е. Рахмадиев атындағы Үлкен концерт залында ҚР Халық артисі, Мемлекеттік сыйлықтың лауреаты, «Құрмет» және «Парасат» ордендерінің кавалері, А. Байтұрсынұлы атындағы Алтын орденнің иегері, Құрманғазы ат. ҚҰК «Дирижирлеу» кафедрасының меңгерушісі, профессор Базарғали Әжиұлы Жаманбаевтың «Хранитель тайны» атты кітабының тұсауы кесілді.

Салтанатты шарада астанамыз Нұр-Сұлтан қаласындағы Қазақ ұлттық өнер университетінің ректоры Айман Қожабекқызы Мұсақожаеваның құттықтау хатын аталған музыка ордасынан арнайы келген өкіл табыстады.

Бүгін кәсіби-шығармашылық факультетінің студенттеріне ҚР Мемлекеттік сыйлық лауреаты, Халық артисі, Құрманғазы атындағы Қазақ ұлттық консерваториясының профессоры Базарғали Жаманбаев шеберлік-сыныбын өткізді. Базарғали Әжиұлының дәрісін тыңдауға студенттермен бірге факультеттің профессор-оқытушылық құрамы да қатысты.

Базарғали Әжиұлы Жаманбаев – қазақстандық және Кеңес Одағының дирижері, хормейстер, профессор, Қазақстанның Халық артисі. Консерватория қабырғасында республикаға және алыс-жақын шетелдерге танымал тұлғалармен кездесулер мен шеберлік-сыныптар, қонақ дәрістер дәстүрлі түрде өткізіліп отырады.