Профессор Альмира Наурзбаева ҚР Ғылым және жоғары білім министрлігі Ғылым комитетінің «Қазақстанның дәстүрлі және заманауи өнері визуалды зерттеулер аясында: иконография, семиотика және дискурс» атты ғылыми жобасын жүзеге асыруға атсалысуда

Құрманғазы атындағы Қазақ ұлттық консерваториясының әлеуметтік-гуманитарлық пәндер кафедрасының профессоры Альмира Наурзбаева ҚР Ғылым және жоғары білім министрлігі Ғылым комитетінің «Қазақстанның дәстүрлі және заманауи өнері визуалды зерттеулер аясында: иконография, семиотика және дискурс» атты ғылыми жобасын жүзеге асыруға атсалысуда.

Қазіргі таңда жоба аясында профессор Баку қаласында Әзербайжан елінің музей ісі және визуалды мұра саласындағы тәжірибесін зерттеп жүр. Іс-сапар бағдарламасының маңызды бағыттары  – кілем тоқу дәстүрін сақтау мен зерттеуге арналған бірегей орталық — Әзербайжан ұлттық кілем музейін тамашалау.
Жоба қатысушыларын музей өнерімен музейдің ғылыми хатшысы, өнертану кандидаты Хадиджа Асанова таныстырды.

Мұндай кездесулер ғылыми байланыстарды нығайтуға және Орталық Азияның мәдени кодтарын пәнаралық контексте зерттеуге жаңа мүмкіндіктер ашатыны сөзсіз.