Профессор Станислав Кравчинскиймен кездесу
2024 жылдың 19 ақпанында Құрманғазы атындағы Қазақ ұлттық консерваториясының қабырғасында, өнер-білім ордасының басшылығы К. Пендерецкий атындағы музыка Академиясының (Краков, Польша) құрметті қонағы Станислав Кравчинскийді қарсы алды. Белгілі дирижер, хор музыкасын зерттеу кафедрасының профессоры, музыкатану докторы Станислав Кравчинский Қазақстанға алғаш рет Erasmus+ бағдарламасы арқылы келді.
Кездесуге Консерватория ректоры, Қазақстанның еңбек сіңірген қайраткері Нұркен Әшіров, ректор аппаратының басшысы Ермек Скаков, оқу және оқу-әдістемелік жұмыстар жөніндегі проректор Гүлнар Әбдірахман, тәрбие және әлеуметтік жұмыстар жөніндегі проректор Мұхамбет Ешмұханов, факультет декандары және халықаралық бөлім өкілдері қатысты.
Кездесуге қатысқан ҚазКСР Халық әртісі, профессор, дирижерлеу кафедрасының меңгерушісі Базарғали Жаманбаев К. Пендерецкийдің музыкасынан алған әсерлері, Польшадағы кездесулер және Қазақстандағы музыкалық білім туралы сөз қозғады. Жауап ретінде өз сөзінде профессор С. Кравчинский Польшадағы білім туралы, өнердегі өзінің жолы және 1888 жылы құрылған К. Пендерецкий атындағы музыка Академиясының дамуы туралы айтты.
Ресми кездесу бөлімінен кейін, ЖОО қонағына кітапхана залдарына экскурсия жүргізілді, онда профессор консерваторияда сақталған сирек басылымдармен, сондай-ақ дәстүрлі музыкалық өнер және инклюзивті білім туралы кітаптармен танысты. Кітапханадан басқа С. Кравчинскийге консерваторияның оқу корпустары мен концерт залдары, онда өтіп жатқан сабақтар мен репетициялар көрсетілді.
