ҚР Парламенті Мәжілісінің депутаттары консерваторияда қонақта болды

Бүгін ҚР Парламенті Мәжілісінің депутаттары Сарым Айдос Әміроллаұлы, Ахметов Мәди Абылайұлы және Бейсенбаев Елнұр Сабыржанұлы Құрманғазы атындағы Қазақ ұлттық консерваториясында қонақта болды.

Ректор бастаған консерватория басшылығы қонақтарды күтіп алып, оқу орнының жұмысымен таныстырды. Таяуда ғана күрделі жөндеуден өткен консерватория ғимараттарының, яғни А мен Б корпустары және концерттік залымыздың жаңарған жағдайын көрген қонақтар жоғары бағаларын берді.

Консерватория ректоры Арман Әділханұлы халық қалаулыларына оқу орнының болашаққа арналған жоспарларынан хабар беріп, өнер-білім ордасы жұмысындағы ендігі жердегі өзекті мәселелері жайын талқыға салды. Кездесуге қатысқан консерватория қызметкерлері еліміздегі кәсіби музыканың өркендеуіне қатысты өз сауалдары мен өтініштерін жеткізді. Мәжіліс өкілдері өтініш-тілектердің өз шешімін табатындығына сенім білдірді.