РЕСПУБЛИКАЛЫҚ ОЛИМПИАДАДА КОНСЕРВАТОРИЯ СТУДЕНТТЕРІ ҮЗДІКТЕР ҚАТАРЫНАН КӨРІНДІ

28 наурыз бен 1 сәуір аралығында қазақстан Республикасы Мәдениет және спорт министрлігі Мәдениет комитетінің «Т.Қ. Жүргенов атындағы Қазақ ұлттық өнер академиясы» Республикалық мемлекеттік мекемесінде ҚР жоғары оқу орындарының студенттері арасында базалық жоғары оқу орындарындағы ХІV Республикалық пәндік Олимпиада өткен еді.

Бағдарламасы:

1.     Duke Ellington – Caravan,

2.     F.W. Meacham – Salute to Glenn Miller (American patrol),

3.     Duke Ellington – It Don’t Mean a Thing,

4.     John Williams – Swing, swing, swing,

5.     Deep Purple – Smoke on the water-ден тұратын өнер сайысында

Аталмыш олимпиадада «Ансамбль» аталымы бойынша қазақстан Республикасы Мәдениет және спорт министрлігі Мәдениет комитетінің «Құрманғазы атындағы Қазақ ұлттық консерваториясы» Республикалық мемлекеттік мекемесінің өнерпаздары жүлдемен оралды. ҚР ЖОО Білім алушылары арасында өткен ХІV Республикалық пәндік олимпиадаға 5В040800 – «Эстрада өнері» мамандығының «Ансамбль» пәні бойынша қатысқан Алмаз Асқарұлы Мұратов (Сопрано-саксофон), Эльвира Сергейқызы Әбдірахманова (Альт-саксофон), Әбдібек Ғабитұлы Ерназар (Альт-саксофон), Самуил Игоревич Андрейкин (Тенор-саксофон), Ғазиз Сәкенұлы Мәліков (Баритон-саксофон), Бекмұрат Аманжанұлы Ізім (Ұрмалы аспап) консерватория намысын қорғады.

Өнерлі өрендердің мұндай жетістікке жетулеріне көркемдік жетекшілері, доцент Игорь Юрийұлы Шубиннің де сіңірген еңбегі орасан. Жеңімпаздарға шығармашылық табыстары мол болсын деген тілек айтамыз.