Әріптестеріміз жоғары марапаттарға ие болды

Бүгін Құрманғазы атындағы Қазақ ұлттық консерваториясының мәжіліс залында Ғылыми кеңес отырысында өнер-білім ордасының бірқатар оқытушылары мен қызметкерлеріне ректор Жүдебаев Арман Әділханұлы жоғары марапаттарды табыстады.

Ахмет Байтұрсынов атындағы орденге консерваториямыздың Ғылыми-шығармашылық және халықаралық ынтымақтастық жұмыстар жөніндегі проректоры Ғ.З. Бегембетова ие болса, А. Байтұрсынұлы атындағы алтын медальмен «Вокалдық өнер» кафедрасының профессоры А. Хавлаш, «Үрмелі және ұрмалы аспаптар» кафедрасының профессоры Т.Қ. Нұралы, «Музыкатану және композиция» кафедрасының профессоры Г.Ж. Мұсағұлова және «Әлеуметтік-гуманитарлық пәндер» кафедрасының доценті Г.С. Сүлеева, ал, А. Байтұрсынұлы атындағы күміс медальмен «Ансамбль өнері» кафедрасының аға оқытушылары Д.Ғ. Құрманалинова мен А. Романенко марапатталып, «Жоғары кәсіби білім беру саласының үздік ғылыми қызметкері» атағына «Домбыра» кафедрасының аға оқытушысы Б. Игілік, «Жоғары кәсіби білім беру саласының үздік педагогы» атағына «Халық әні» кафедрасының оқытушысы А. Ісләмғалиев, сондай-ақ, «Жоғары кәсіби білім беру саласының үздік менеджері» атағына бас есепшіміз Г.С. Қасымова, Заң секторының басшысы О.К. Тілегенова, Персоналмен жұмыс жасау бөлімінің басшысы Ә.С. Сыдықова, Концерттік-шығармашылық жұмыстарды ұйымдастыру қызметінің басшысы А.И. Аязбаева, Біліктілікті жоғарылату және қосымша білім беру бөлімінің басшысы Ж.Т. Айнақұлова және Құжаттармен қамтамасыз ету бөлімінің аға менеджері И.В. Заровчатская иеленді.

Әріптестерімізді айтулы марапаттарымен құттықтап, жұмыстарыңыз жемісті, өмірлеріңіз келісті болсын демекпіз.