«РОЗА ЖАМАНОВА – МӘҢГІЛІК ОПЕРА ӘНШІСІ» виртуалды кітап көрмесі

Құрметті оқырмандар!

Ғылыми-ақпараттық кітапхана қызметі әнші (сопрано), ұстаз, Қазақ КСР-інің еңбек сіңірген артисі, КСРО халық артисі, Роза Жаманованың 95 жылдығына арналған «РОЗА ЖАМАНОВА – МӘҢГІЛІК ОПЕРА ӘНШІСІ» атты виртуалды кітап көрмесін дайындады.

Роза Үмбетқызы Жаманова күміс ырғақты өзіндік дауысы бар әнші. Өзі сомдаған бейнелерінің психологиялық нәзіктігі мен тереңдігі, жоғары вокалдық мәдениеті оның орындаушылық мәнеріне тән қасиет. Р. Жаманованың ең жақсы, ең сүйікті – Дж. Пуччинидің «Чио-Чио-Сан» операсындағы Чио-Чио-Сан бейнесі. Онда әншінің сан қырлы таланты, оның жоғары вокалдық мәдениеті көрінді. Әнші 20-дан астам қазақстандық композиторлардың операларында басты партияларды шеберлікпен шырқады.

Ұзақ жылдар Құрманғазы атындағы Қазақ ұлттық консерваториясында профессор, вокал бойынша дәріс берді. 2003 жылдан консерваторияда ақылшы-ұстаз қызметін атқарды. Қазақстандағы музыкалық жоғары оқу орындарының вокалдық сыныбы оқу бағдарламасын құрастырушыларының бірі. Мерзімді басылымдардағы бірқатар мақалалар мен баяндамалардың авторы.

Виртуалды кітап көрмесінде көрнекті опера әншісінің орындаған шығармалары ұсынылады.

Роза Жаманованың шығармашылығымен танысу үшін ҒАКҚ-нің Электрондық кітапханасына кіріп, «Басты мәзірде» «Виртуалды көрмеге» кіріңіз немесе мына сілтемеге өтіңіз:

http://185.217.181.84:8087/JIrbis2/index.php?option=com_irbis&view=irbis&Itemid=385