Саратовтағы әріптестермен кездесу

Л. В. Собинов атындағы Саратов мемлекеттік консерваториясы Ресейдегі ең көне музыкалық университеттердің бірі және маңызды мәдени мекеме. 1912 жылы негізі қаланған ол сол уақытта Санкт-Петербург пен Мәскеуден кейінгі елдегі үшінші консерватория болды. Консерваторияда оркестрлік, дирижерлік, вокалдық және фортепиано факультеттері, ғылыми-педагогикалық кадрларды даярлау және қосымша білім беру орталығы бар. Консерватория жанындағы театр институты, музыка мектебі және балалар музыка мектебі өз функциясын асырады.

Кездесуге Консерватория атынан ғылыми-шығармашылық қызмет және халықаралық ынтымақтастық жөніндегі проректор Галия Бегембетова, оқу және оқу-әдістемелік жұмыс жөніндегі проректор Гүлнар Әбдірахман және халықаралық бөлім басшысы Дамир Уразымбетов қатысып, оқу жұмысы жөніндегі проректор Вячеслав Бондаренкомен, шығармашылық және әлеуметтік-тәрбие жұмысы жөніндегі проректор Алексей Кошелевпен, ғылыми және халықаралық қызмет жөніндегі проректор Ирина Полозовамен және халықаралық қызмет бөлімінің бастығы Наталья Григорьевамен академиялық ұтқырлық бойынша ынтымақтастықтың егжей-тегжейін, бірлескен және қос дипломды білім беру бағдарламалары бойынша оқыту мүмкіндіктері және ғылым мен мәдениет саласындағы ынтымақтастықтың өзге де түрлерін талқылады.

Кездесу қорытындысы бойынша тараптар ғылым, білім және шығармашылық саласындағы халықаралық ынтымақтастықты жандандыруға, сондай-ақ екі тараптың да түрлі іс-шаралар мен конференцияларға белсенді қатысуына үміт білдірді.