«Шабыт-2023» XXVI Халықаралық шығармашыл жастар фестивалі жеңімпаздарын құттықтаймыз

Жақында Астана қаласында өткен «Шабыт-2023» XXVI Халықаралық шығармашыл жастар фестивалінде Құрманғазы атындағы Қазақ ұлттық консерваториясының «Үрмелі және ұрмалы аспаптар» кафедрасының бірқатар білім алушылары бақтарын сынап, нәтижесінде аталмыш өнер додасының жеңімпаздары атанды.

Атап айтсақ, 4-курс студенті, профессор Т.Нұралы сыныбының білім алушысы Оспанбаева Аяжан (концертмейстері Г.Абдрашева) «Бас жүлдені» иеленсе, 1-курс студенттері доцент И.Шубин сыныбының шәкірті Қайыркен Мерей (концертмейстері Е.Скрипченко) және профессор К.Ахметова сыныбының шәкірті Қалтаев Нұртас (концертмейстер А.Айдабулова) І дәрежелі сыйлықтың иегерлері атанды. Сондай-ақ, 3-курс студенттері оқытушы А.Сағымбаева сыныбының білім алушысы Майлы Нұржан (концертмейстер Б.Болжирова) мен аға оқытушы Б.Карибаева сыныбының шәкірті Бақытжанқызы Еркежан (концертмейстер Б.Болжирова) ІІ-дәрежелі сыйлықты қанжығаларына байлап қайтты.

Ал, ерекше өнер көрсетіп, көрермен қошеметіне бөленген 2-курс магистранты профессор Т.Нұралы сыныбының шәкірті Бемм Артур (концертмейстер Е.Скрипченко) ІІІ дәрежелі сыйлыққа ие болды.

Сондай-ақ 4-курс студенті профессор Ж.Ерманов сыныбының шәкірті Күнғалиев Нұралы және профессор А.Федянин сыныбының білім алушылары 2-курс магистранты Көпбаев Әділет пен 1-курс магистранты Оразымбетов Сапарәлі XXVI «Шабыт-2023» XXVI Халықаралық шығармашыл жастар фестивалінің дипломанттары атанды.

Жас өнерпаздарды және олардың ұстаздарын марапаттарымен шын жүректен құттықтап, шығармашылық шабыттарыңыз таси берсін дейміз!