Шеберлік сабағы өтті

Бүгін консерватория қабырғасында қазақ композиторы, Қазақстан композиторлар қауымдастығының төрағасы, «Құрмет» орденінің кавалері – Артық Жарылқасынұлы Тоқсанбаевтың шеберлік сабағы өтті.

Кездесу тақырыбы: «Заманауи композициядағы этно-джаз».

Кездесуде Артық Жарылқасынұлы өзі туралы айтып, джаз стилінде туындылар жасау тәжірибесімен бөлісті, сонымен қатар этно-джаз стилінде түрлі музыкалық мәдениеттердің туындыларын тыңдауға мүмкіндік берді.

Шеберлік сабағының соңында студенттер мен оқытушылар автордың шығармасын тыңдады, оның алдында қысқаша теориялық шолу жасалды.

Кездесуде қатысушылар тарапынан этно-джазға қатысты көптеген сұрақтар туды, сұрақтарды А.Ж Тоқсанбаевқа қойды.

Бұл біздің музыкатану және композиция кафедрасы үшін Қазақстанның көрнекті мәдениет қайраткерлерімен шығармашылық кездесулер мен шеберлік сабақтарын өткізу игі дәстүрге айналса дейміз!