Шерхан Мұртазаның 90 жылдығына арналған дөңгелек үстел өтті

2023 жылдың 16 ақпанында Құрманғазы атындағы Қазақ ұлттық консерваториясында ӘГП кафедрасы, «Қазақ және шетел тілдері» секциясының ұйымдастыруымен, халық жазушысы, қоғам қайраткері Шерхан Мұртазаның 90 жылдық мерейтойына арналған «Сөз өнерінің хас шебері» атты дөңгелек үстел өтті.

Секция жетекшісі Г.С. Сулееваның жетекшілігімен өткен іс-шараға консерваторияның Тәрбие және әлеуметтік жұмыстар жөніндегі проректоры Ешмұханов Мұхамбет Ашхатұлы бастаған оқытушылары және 1,2-курс студенттері қатысты. Студенттер жазушының өмірі, шығармашылық жолы, қайраткерлігі және редакторлық қызметі жайында баяндамалар жасап, жазушыға арнап жазылған өлеңдер оқылып, ой-пікірлермен бөлісті. Жиында ұлттық мәдениетімізде өзіндік бедер қалыптастырған, рухани қазынамыздың алтын сандығын байытып, шоқтығы биік шығармалар сыйлаған Ш. Мұртазаның жарқын бейнесін еске алып, студент-жастар мен шерхансүйер қауымға жазушының азаматтық бейнесі жайлы естеліктер айтылды.