Шыңжаң өнер институтынан әріптестердің сапары

2024 жылғы 20 қарашада Шыңжаң өнер институтының делегациясы Құрманғазы атындағы Қазақ ұлттық консерваториясына іс-сапарымен келді. Сапардың мақсаты Консерватория ректоры Гаухар Тасбергеновамен ынтымақтастық пен бірлескен жобаларды талқылау, сондай-ақ ынтымақтастық туралы Меморандумға қол қою болды.

Делегация құрамына: ҚХР Шыңжаң өнер институтының проректоры Цюань Лисин, бейнелеу өнері институтының жетекшісі Болия, музыка институтының жетекшісі Лэй Цзяянь және халықаралық алмасу және ынтымақтастық бөлімінің қызметкері Цзян Бинцянь кірді. Кездесу қорытындысы бойынша тараптар өзара іс-қимыл туралы уағдаласты, алдағы жобалар мен жоспарлар талқыланды және ынтымақтастық туралы Меморандумға қол қойылды.