Студенттеріміз «СЕНІМ» атты кездесу ұйымдастырды

Жақында Құрманғазы атындағы Қазақ ұлттық консерваториясының «Арт-менеджмент» мамандығында білім алып жатқан студенттер «СЕНІМ» атты кездесу ұйымдастырды. Аталмыш шара оқу ордамыздың Ахмет Жұбанов атындағы кіші залында өтті. 

Кездесуге «Salem Social Media» жобасының артистері мен мамандары шақырылды. Іс-шара барысында келген қонақтар еркін тақырыпта әңгіме өрбітіп, студенттерді қызықтырған барлық сұрақтарға тұщымды жауап берді. Сондай-ақ қонақ ретінде келген өнер иелері актерлік шеберліктерімен бөлісіп, тәжірибелерімен таң-тамаша етті. Белгілі актер Қобыланды Болат қонақ кәдеге тұсауы кесілмеген әнін ұсынды. Кездесу қонақтардың ғана емес, білім алушыларымыздың да көңілінен шықты. Олар бір-бірімен пікір алмасып, ізгі тілектерімен бөлісті.

Белсенділіктерімен көзге түсіп жүрген «Арт-менеджмент» мамандығының студенттеріне сәттілік серік болып, толағай табыстарға жетулеріне тілектеспіз!